بەرپرسی میراتی فەرهەنگی، پیشەسازییە دەستییەكانو گەشتیاریی شاری بیجار باسی لە دهست بهسهرداگرتنی ٣٨ ئاسەواری مێژوویی لە قاچاغچییهکانی شوێنهوار لهم شارە كردوە.
ئیبراهیم ئیلیاسوەند دهڵێ ئەم ئاسەوارانه هی هەزارەی یەكەمی بەر لە زایینن.
ئیبراهیم ئیلیاسوەند وێڕای ئاماژە بەم مەسەلە كە مێژووی ئەم ئاسەوارانە بۆ سهردهمی هەزارەی یەكەمی بەر لە زایین دەگەڕێتەوە، گوتی: ئەم ئاسەوارانە لە بواری فەرهەنگیو مێژووییەوە گرینگییەكی زۆریان هەیەو بێتوو هەوڵ بۆ نۆژەنكردنەوەو پارێزگاری كردن لەوان بدرێ، دەچنە ڕیزی كەلوپەلەكانی مۆزەخانەوەو یەكجار زۆر بەنرخیشن.
ناوبراو لە درێژەی قسەكانیدا گوتی: بە سەرنجدان بەوهی ئەم ئاسەوارانە ئی سەردەمە جۆراوجۆرەكانن، بە ئەگەری زۆر ئەم ئاسەوارانە لە شوێنە جۆربەجۆرەكانو لە ڕێگەی دانهوهو پشكنینێكی زۆری ناقانوونییەوە وەدەست كەوتوون.
