نێد پرایس دەڵێ: ڕێژیمی ئێران بەرپرسە لە هێرشە مووشەکییەکی دوێنێ بۆ سەر باڵوێزخانەی ئەمریکا لە بەغدا.
نێد پرایس وتەبێژی وەزارەتی دەرەوەی ئەمریکا شەوی دووشەممە ٤ی ڕەشەممەی ٩٩ی هەتاوی، لە کۆنفرانسێکی ڕۆژنامەوانیدا لە کۆشکی سپی وتی: سەرەڕای ئەوەیکە رێژیمی ئێران بە بەرپرسی هێرشە مووشەکییەکان بۆ سەر باڵویزخانەی ئەمریکا لە بەغدا دەزانێ، ڕایگەیاند بۆ سەقامگیری عێراق کاردانەوەی توندمان بەرانبەر ڕێژیمی ئێران نابێ.
پرایس لە درێژەدا دەڵێ: هێزەکانی ئەمریکا، هیچ جۆرە کردەوەیەکیی سەربازیی کە بە قازانجی ڕێژیمی ئێران تەواو ناکا.
لەلایەکیی دیکەوە جان کێربی، وتەبێژی وەزارەتی بەرگریی ئەمریکا، ڕۆژی دووشەممە لە کۆنفرانسێکی ڕۆژنامەوانیدا رایگەیاند کە هێرش بۆ سەر باڵویزخانەی ئەمریکا لە بەغدا مەترسیدارە و مافی ئەوەمان هەیە کە بەرگری لە خۆمان وهێزەکانمان لە عێراقدا بکەین.
جان کێربی، رێژیمی ئێران بەبەرپرسی هێرشە مووشەکییەکان بۆسەر باڵوێزخانە و بنکە سەربازییەکانی ئەمریکا وهاوپەیمانەکانی دەزانێ و وتی: میلیشیا تێرۆریستەکان لە عێراق و ناوچەکەدا بە فەرمانی بەرپرسانی ڕێژیمی ئێران هێرش دەکەنە سەر بەرژەوەندییەکانی ئەمریکا لە ناوچەکەدا.
لە ماوەی ١٠ ڕۆژی ڕابردوودا میلیشیاکانی سەر بە کۆماری ئیسلامیی ئێران لە عێراق ٣ جار هێرشیان کردۆتە سەر بنکە و بارەگاکانی ئەمریکا لەو وڵاتە و لەوانە هێرشی مووشەکیی بۆ سەر هەولێری پێتەختی هەرێمی کوردستان کە بوو بە هۆی گیان لەدەستدانی ٢ کەس و برینداربوونی ٩ کەس بەڵام سەرەڕای هێرشەکانی کۆماری ئیسلامی ئەمریکا بێدەنگیی هەڵبژاردووە.
