دابین‌بوونی تەنیا سەدی ٤٥ی بوودجەی ئاوادانكردنەوەی كرماشان لە ماوەی ٩ مانگی ڕابردوودا

لە ماوەی ٩ مانگی ڕابردوودا لە كۆی گشتیی ٦١٨ میلیارد تمەن بوودجەی ئاوەدانكردنەوەی پەسندكراوی ئەم پارێزگایە تەنیا ٢٧٧ میلیارد تمەن دراوە.
جیهانبەخش كەهریزی، سەرۆكی ڕێكخراوی كاروباری ئابووری‌و دارایی پارێزگای كرماشان دەڵێ ئەم بڕە بوودجەیەی كە بۆ ئەم پارێزگایە تەرخان كراوە زۆر كەمترە لەوەی كە پەسند كراوە. بە هۆی نەبوونی نەغدینە، سەرەڕای تەرخانكردنی بڕی ٥٠٤ میلیارد تمەن بوودجەی ئاوەدانكردنەوەی ئەم پارێزگایە بە تا ئێستا ٢٧٧ میلیارد تمەن وەرگیراوە.
ناوبراو وێڕای ئاماژە بەوەی كە هەموو ساڵێ گۆڕانكاری لە سەرچاوەی دابینكردنی بوودجەی ئاوەدانكردنەوە دەكرێ گوتی، بۆ نموونە ساڵی ڕابردوو ٩ میلیارد تمەن لە ماددەی ٢٣ی سزاو لادانەكانی هاتوچۆ بۆ ئەم پارێزگایە تەرخان كرا، كە ئەمساڵ ئەوەش بۆ ئەم پارێزگایە تەرخان نەكرا