كارخانەی بەرهەمهێنانی واكسەنی بۆقژە و تهبهق لە مەهاباد چوار ساڵه داخراوهو چارهنووسی ناڕوونه.
چوار ساڵ لهوه پێش كارخانەی دروستكردنی واكسەنی بۆقژەی مەهاباد لە لایەن سەركۆماری ئەو كاتی ئێرانەوە گەیشتە قۆناغی بەرهەم هێنان، بەڵام كارو چالاكی كردنی ئەم كارخانەیە تەنیا چەند بوو، ئێستاش بە تێپەڕینی ٤ ساڵ چارەنووسی ئەم كارخانەیە هەروا ناڕوونو نادیارە.
بڕیار وابوو كارخانەی دروستكردنی واكسەنی بۆقژەی مەهاباد كە وەك گەورەترین یەكەی بەرهەم هێنانی خۆرهەلاتی نێوەڕاستو وەك سێهەمین كارخانەی جیهان لە جۆری خۆیدا باسی لێ دەكرێ، لە هەر ساڵدا زیاتر لە ١٠٠ میلیۆن دووز واكسەنی بۆقژەو تهبهق بەرهەم بێنێو بەڕێی بازاڕە نێوخۆییو بیانییهکانی بكا، بەڵام ئەم كارخانەیە بەبێ هیچ دەسكەوتێك تەنیا پاش ٣ مانگ داخرا.
سادق قادری، سەرۆكی ئیدارەی سەنعەت، كانزاو تیجارەتی مەهاباد دەڵی لە ئێستادا ئەم پرۆژەیە لە كار وەستاوەو هیچ چەشنە چالاكییەكی نییە.
هەر لەم پێوەندییەدا مەعسووم عەلی ئەكبەری، جێگری كاروباری پیشەسازییەكانی ڕێكخراوی سەنعەت، كانزا و تیجارەتی پارێزگای ورمێش لە بابەت ڕەوتی چالاكیی ئهم کارخانهیه بە هەواڵدەریی مێهری گوتوە، ئەم یەكە بەرهەمهێنەرە چەند مانگ پاش دەستبهكار بەهۆی کۆمهڵێک کێشهو یهک لهوان نەبوونی سەرمایەی گهڕاو، داخرا.
