“هاشم خاستار” مامۆستای خانەنشینکراو و ئەندامی ئەنجومەنی سێنفیی مامۆستایان و چالاکی مەدەنی لە نامەیەکی سەرئاوەڵادا بۆ “عەلی خامنەیی” نووسی: بە زووترین کات خەڵک وڵامی ئێوە لە سەر شەقامەکان دەدەنەوە.
هاشم خاستار یەکێک لە واژۆکەرانی دەست لەکار کێشانەوەی “عەلی خامنەیی”، لە بەندیخانەی وەکیلئابادی مەشهەد لە نامەیەکی سەرئاوەڵادا بۆ عەلی خامنەیی نووسی: سەرەڕای ئەو هەمووە ئیعدام و زیندانیی سیاسی وناسیاسی، خووگریی، لێشاوی کێشەی کۆمەڵایەتی، سیاسیی و ئابووری ،فەساد، و دزی و گەندەڵی، ئێستاش ناتهەوێ باوەڕ بکەی کە چیت بە سەری خەڵکی ئێران هێناوە؟ خەڵک ولامی ئێوە بە زووترین کات لە سەر شەقامەکان بە مستەکۆڵە دەدەنەوە.
هاشم خاستار سەبارەت بە سیاسەتی دەرەوەی خامنەیی نووسی: سیاسەتی دەرەوەی ئێوە وەک چۆن لە ئاڵمان هیتلێر بە هێزی چەکداریی دنیای لە ئاگر و خوین وەردا ئێوەش بە هێزی چەکدرایی خۆتان ڕۆژهەڵاتی ناڤینتان لە ئاگر و خوێن وەرداوە.
ئەو زیندانییە سیاسییە لەکۆتایی نامەکەیدا وێرای باس لە ئەشکەنجەگا و زیندانی وەکیلئابادی مەشەهەد، ڕووبە خامنەیی دەنووسێ: هێزە سەرکوتکەرەکانیشت هەستیان بە لە ناوچونی ڕێژیمەکەت کردووە.
