هاووڵاتییەکی خەڵکی ناوچەی مەیمکی شاری مێهران سەر بە پاریزگای ئیلام بەهۆی تەقینەوەی مین گیانی لە دەسدا.
رۆژی هەینی ٢٤ی ڕێبەندانی ٩٩ی هەتاوی، لە نزیکی پایەگای هەڵاڵەی باکوور هەڵکەوتوو لە ناوچەی مەیمکی شاری مێهران سەر بە پارێزگای ئیلام، هاووڵاتییەکی کورد بە ناوی “نادر بەراران” تەمەن ٤٥ ساڵ بەهۆی تەقینەوەی مین، گیانی لە دەسدا
بەپێی ئامارە تۆمار کراوەکان لە ماوەی ساڵی ٢٠٢٠زایینی‌دا لانیکەم ٨ هاووڵاتیی کورد لە سنووری شاری مێهران بوونەتە قوربانیی تەقینەوەی مین کە ٣ کەسیان گیانیان لە دەسداوە.
