كاربەدەستانی پارێزگای سنە دەڵێن بەهۆی دواكەوتنی تەرخان كرانی زەوی، دامەزراندنی زانكۆی سەنعەتی كوردستان ڕاگیراوە.
بەپێی ڕاپۆرتی ڕاگەیەنە دەوڵەتییەكان، خالید سەعیدی، سەرۆكی پاركی زانستو پیشەسازییەكانی سنە وێڕای دانە بەر ڕەخنەی شێوەی هەڵسوكەوتی دامو دەزگا ئیدارییەكانی ئەم پارێزگایە لەگەڵ ئەم ناوەندە گوتی: گەورەترین ئاستەنگی بەردەم كاركردنی ئەم ناوەندە، كەمیی بە شێوەیەك كە بۆ ڕادەست كردنی شیركەتەكانو دامەزراندنی شارەچکەی زانست سەرەڕای بەدواداچوونە بەردەوامەكان، بەهۆی دواكەوتنی ڕادەستكرانی پارچە خاكێك لە لایەن ئیدارەی پێوەندیدارەوە، تا ئێستاش هیچ كارێك بۆ ئەم پرۆژەیە نەكراوە.
ناوبراو گوتویەتی پشتگوێخرانی ڕادەستكردنی ئەم زەوییە و كات كوشتنی ئیدارەكانو بیانوو دیتنەوەی كاربەدەستان بۆتە هۆی هەڵوەشانەوەی گەڵاڵەی پرۆژەی زانكۆی سەنعەتی كوردستان كە ئەوە زیانی قورسی لە ڕەوتی گەشەی ئەم پارێزگایە داوە.
شایانی باسە پارێزگا دراوسێیەكانی سنە وەك هەمەدان لە كاتی دیاریكراودا زەوی پێویست بەو پڕۆژەیەیان پێدراوە، بەڵام پارێزگای سنە بەهۆی سیاسەتی هەڵاواردن ئەم پێداویستییەی بۆ دابین نەكراو بە ناچار پرۆژەی دامەزراندنی ئەم زانكۆیەش هەڵوەشایەوە.
