هاجەر عەبدوڵاهی هاوسەری شەهید”عەلی زومیاد” لە ناوچەی مەهاباد ماڵاوایی لە ژیان کرد.
بەپێی هەواڵی گەیشتوو بە ناوەندی ڕاگەیاندنی حیزبی دێموکراتی کوردستان ڕۆژی دووشەممە ٢٠ی ڕێبەندانی ٩٩ی هەتاوی، خاتوو هاجەر عەبدوڵاهی هاوسەری شەهید” عەلی زومیاد” لە تەمەنی ٧٧ ساڵیدا بەهۆی نەخۆشییەوە لە گوندی وندی خانەگێ سەربە ناوچەی مەهاباد ماڵاوایی لە ژیان کرد.
خاتوو هاجەر عەبدوڵاهی، بەدوای شەهید بوونی هاوسەرەکەی شەهید”عەلی زومیاد” لە ساڵی ٦٠ی هەتاوی، لە دارەلەک، ئەرکی بەخێوکردنی سێ منداڵەکەی و ئەستۆ گرتووە و جێگای بابی شەهیدیشیانی بۆ پڕ کردوونەتەوە و ئیزنی نەداوە منداڵەکانی لە ژیاندا هەست بە کەموکۆڕی بکەن و تاکاتی گیانلەدەستدانی دڵە گەورەکەی بۆ ئازادی کوردستان لێیدەدا.
لەلایەن ناوەندی ڕاگەیاندنی حیزبی دێموکراتی کوردستانەوە وێڕای دەبڕینی خەم وپەژارەی خۆمان بۆ کۆچیدوایی خاتوو” هاجەر عەبدوڵاهی” سەرەخۆشی لە بنەماڵەی بەڕێزیان وسەرجەم خزم و کەسوکاریان دەکەین وخۆمان بە شەریکی خەمیان دەزانین.
