كۆمەڵێك لە شاخەوانانی بۆكانو مەهاباد خواردنو كەلوپەلی پێویست بۆ گولەکانی دانیشتووی ئاوایی بەسرێیان ئامادە كردووەو بۆیان بردوون.
دوو تیمی شاخەوانی كە لە ٢٨ شاخەوانی مەهابادیو ١٧ شاخەوانی بۆكانی پێكهاتبوو، ڕۆژی هەینی بایی 5 میلیۆن تمەنیان خواردەمەنیو كەلوپەلی پێویست بۆ دانیشتووانی نەخۆشی گوندی بەسرێ کۆکردۆتەوەو هاوكات لەگەڵ سەردانی ئەوان، ئەم شتوومەكانەیان بۆ بردوون.
بەقسەی یەكێك لەم شاخەوانانە پاش بارینی بەفرو كێشەی هاتوچۆ لە هێندێك لە ڕێگەوبانەكانی ئاوایییەكانی ئەم شارە، خەڵكی ئەم گوندە لە بابەت دەستڕاگەیشتن بە كەلوپەلی پێویستی خۆیان بەتایبەت لە بواری دابینكردنی خواردەمەنییەوە تووشی گرفت هاتبوونو ئەم دوو تیمە پاش ٤ كاتژمێر بەپێ ڕۆیشتن، توانییان ئەم خۆراكانە بەرنە ئەو گوندەو دووبارە هەر بەو جۆرە، بەم ڕێگەیەدا گەڕاونەتەوە بۆ شار.
شایانی باسە لەنێو ٢٧ بنەماڵەی ئەم ئاوایییەدا، ٢١ بنەماڵە تووشی نەخۆشیی گولییان گرتوەو تەنیا ٦ بنەماڵەیان ساغن، بە شێوەیەكی گشتی ئێستا لەنێو سەرجەم ٦٨ كەسی دانیشتووی ئەم گوندە ٤٩ كەس ئەم نەخۆشییەیان گرتوە.