فەرزاد مورادی نیا چالاكی كرێكاری ڕۆژی ١٧ی بەفرانبار لە نەخۆشخانەی تەوحیدی سنە نەشتەرگەریی بۆ كراو دوایەش دەسبەجێ بە کەلەبچەوە بۆ بەشی خواندن ڕاگوێزرا.
ئەم چالاكە كرێكاری کە ئەندامی كۆمیتەی هاوئاهەنگی بۆ یارمەتیدانی پێكهێنانی ڕێكخراوە كرێكاریێەکانە، ڕۆژی پێنجشەممەی حەوتووی ڕابردوو نەشتەرگەریی بۆ كراو پاش نەشتەرگەرییەكەی سەرەڕای ئەوەی توانای جووڵەی نەبوو و هەروەها لە بارودۆخێكی جەستەیی زۆر نالەباردا بوو، بە كەڵەبچەوە بۆ بەشی خەواندنی نەخۆشخانەی زیندان گواسترایەوە.
ناوبراو لە بواری جەستەییەوە زۆر لاواز بووەو لە بارودۆخێكی نالەباردا دەژیو نەخۆشیی دەزگای هەرسو گەدە بڕستی لێبڕیوەو بە هۆی زیندان نەخۆشییەكەی قورستر بووە.
شایانی باسە كە فەرزاد موردای نیا لە مانگی سەرماوەزی ساڵی ١٣٩٣ لە لایەن ئیدارەی ئیتلاعات دەسبەسەرو پاش یەك مانگ گیران بە دانانی بارمتە ئازاد كراو پاشان لە لقی یەكی دادگای شۆڕش لە لایەن قازی سەعیدی دادگاییو حوكمی ٣ ساڵ زیندانی تەعزیریی بەسەردا سەپا.