لە ماوەی كەمتر لە یەك مانگدا، ٢٥شارەداری سەربە حیزبی دێموكراتیكی گەل لە باكووری كوردستان لەسەر پۆستەكانیان لادران.
بەرپرسانی حیزبی دێموكراتیكی گەل دەڵێن بۆ ١٧ كەس لەم كاربەدەستانە حوكمی دەسبەسەركران دەرچووە.
دەوڵەتی توركیە ١٧ شارەداری سەربە حیزبی دێموكراتیكی گەل بە تۆمەتی هەوڵدان دژی ئەمنیەتی میللی و هەڕەشە بۆسەر یەكپارچەیی ئەم وڵاتە تاوانبار كردوە.
ئەرتەشی توركیە لە نێوەڕاستی مانگی دیسامبردا ڕایگەیاندبوو كە ١٠٢ كەس لە ئەندامانی “پ ك ك”ی لە شارەكانی شێرناخ، ماردین و ئامەد كوشتووەو عەمەلیاتی نیزامی دژی ئەم حیزبە تا گەیشتن بە ئامانجەکانیان بەردەوام دەبێ.
بەپێی قسەی چالاكانی مافی مرۆڤ لە توركیە، گەمارۆدانی شارەكانی ئامەد زیاتر لە هەموو شتێك نرخەكەی دەبێ خەڵكی مەدەنی و سڤیل بیدا و هەموو فشارەكان بۆسەر ئەوانن. بۆ نموونە شارەكانی سیلۆپی، جزیرە لە سێ حەوتوو لەوەپێشەوە بەگشتی گەمارۆ دراوەو شایەتحاڵان دەڵێن خەڵك بۆ ئاو، بەرق، سووتەمەنیو خواردن لە بارودۆخێكی نالەباری ژیان دان.
حیزبی دێموكراتیكی گەل لە هەڵبژاردنی پارلمانیی توركیە لە ساڵی ٢٠١٥توانی بۆ یەكەم جار لە لە ئاستی خۆی زیاتر یانی سەدی ١٠ی دەنگەگان تێپەڕیو بە بەدەستهێنانی سەدی ١١ لە گشت دەنگەكان، توانی زیاتر لە ٨٠ نوێنەری لە مەجلیس هەبێ.