هەیئەتێکی پێوەندییەکانی حیزبی دێموکراتی کوردستان سەردانی مەکتەبی سیاسیی یەکیەتی نەتەوەیی دێموکراتی کوردستانیان لە هەولێری پێتەختی هەرێمی کوردستان کرد.
ڕۆژی چوارشەممە ٨ی ڕێبەندانی ٩٩ی هەتاوی، هەیئەتیکی حیزبی دێموکراتی کوردستان بەسەرپەرەستی “خالید وەنەوشە” بەرپرسی پێوەندییەکانی حیزب لە هەولێر وێڕای لوقمان موئمێنی بەرپرسی ناوندی ٣ی کوردستان و حوسێن مەحموودیان بەرپرسی هەرێمی ٣ی کوردستان، سەردانی مەکتەبی سیاسیی یەکیەتی نەتەوەیی دێموکڕاتی کوردستانیان لە هەولێر کرد.
لەو سەردانەدا لەلایەن بەڕێزان دوکتور “شاخەوان” کارگێڕی مەکتەبی سیاسی، “فاخیر نانەکەلی” و ماموستا “جەلال ئیسماعیل” کارگێڕانی مەکتەبی پێوەندییەکانی یەکیەتی نەتەوەیی دێموکراتی کوردستان پێشوازیان لێکرا.
شایانی باسە کە، لەدرێژەی ئەو دیدارەدا کۆمەڵێک بابەتی گرینگ لەسەر دۆزی کورد لە ناوچەکە و ڕۆژهەڵاتی نێوەڕاست باسی لێوە کرا و هەردوولا لەو دیدارەدا هیوایان خواست کە ماڵی کورد بە هاوئاهەنگی هەموو لایەنە سیاسییەکان یەکبخرێت و لەسەر پێوەندی و دۆستایەتی هەردوو حیزب پێداگریی کرا.
