هەیئەتێکی حیزبی دێموکراتی کوردستان، بەشداریی لە دووەمین کۆنفرانسی ناوەندیی نەتەوەیی رۆژهەڵاتی کوردستان کرد کە رۆژی شەممە ١٠ی ڕێبەندانی ٩٩ی هەتاوی لە رێگای ئۆنلاینەوە بەڕێوە چوو.
کۆنفرانسی دووەمی ناوەندیی نەتەوەیی رۆژهەڵاتی کوردستان کە بۆ قسە کردن لەسەر کۆمەڵێک پرسی پێوەندیدار بە رۆژهەڵاتی کوردستان تەرخان کرابوو، تێیایدا راپۆرتی کار و چالاکی ناوەندەکە و پەیامی چەند حیزب و رێکخراوێکی سیاسی خوێندرایەوە.
لەم کۆنفرانسەدا لەسەر بانگهێشتی فەرمیی ناوەندیی نەتەوەیی رۆژهەڵاتی کوردستان، هەیئەتێکی پێوەندییە کوردستانییەکانی حیزبی دێموکراتی کوردستان لە دەرەوەی وڵات، پێکهاتوو لە هاوڕێیان ئەسعەد خزری و کەریم رەسووڵی بەشداریی کۆنفرانسەکە بوون.
جێگای ئاماژەیە کۆنفرانسەکە ماوەی یەک رۆژی خایاند و نوێنەرانی ژمارەیەک حیزب و رێکخراوی سیاسی تێدا بەشدار بوون.
