کۆڕی ڕاوێژکاریی چالاکانی مەدەنی یارسان، بەمەبستی دەستەبەرکردنی مافی سەرجەم خەڵک و دابینکردنی یەکسانی بۆ تەواوی هاووڵاتییان، بەتایبەت کەمایەتییە نەتەوەیی و ئایینییەکان بەیاننامەیەکی بڵاو کردەوە.
لەو بەیاننامەیەدا ئاماژە بەوە کراوە کەخەڵکی یارسان بە درێژایی دەسەڵاتی ڕێژیمی ئێران بەنیسبەت پاراستنی ناسنامە و شوناسی خۆیان لە زۆربەی مافەکانی هاووڵاتی بوونیان بێبەشن، بۆ نموونە مافی دامەزراندن لە ئیدارەکانی ڕێژیم، مافی خوێندن، مافی بەڕێوەبەری و مافی بەربژێر بوون لە هەڵبژاردنەکاندا و منداڵانی یارسان کە دەچن بۆ قوتابخانە لەژێر پەروەردەی زۆرەملی هەوڵ دەدرێ لە ئایینی خۆیان دووریان بخەنەوە و بیانکەن بە ئایینی ئیسلام.
شایانی باسە کە بەهۆی هەڵاواردنەکان کۆڕی ڕاوێژکاریی چالاکانی مەدەنی یارسان بۆ گەیشتن بە دادپەروەریی و مافەکانی باوەڕمەندانی ئایینی یارسان و پێشگرتن لە پێشێلکارییەکان لەلایەن ڕێژیمی ئێرانەوە خوازیاری بە فەرمی ناسینی ئایینی یارسان لە یاسای بنەڕەتی کۆماری ئیسلامیی ئێرانە.
