وتەبێژی شۆرای ئاسایشی نەتەوەیی کۆشکی سپی: هەڕەشەی خامنەیی دژی دۆناڵد ترامپ، بە هیچ شێوەیەک قەبووڵ ناکرێ.
هەواڵدەریی ڕۆیتێرز، ڕۆژی شەممە ٤ی ڕێبەندانی ٩٩ی هەتاوی، لە ڕاپۆرتێکدا ڕایگەیاند کە بەدوای هەڕەشەی کوشتن لە دۆناڵد ترامپ، سەرۆککۆماری پێشووی ئەمریکا لە لایەن خامنەییەوە، ئێمیلی هۆرن،وتەبێژی شۆرای ئاسایشی نەتەوەیی لە کۆشکی سپی وتی: هەر جۆرە هەڕەشەیەک لەلایەن ڕێژیمی ئێرانەوە بۆ سەر بەرپرسانی پێشووی ئەمریکا ڕێگەپێدراو نییە و دەوڵەتی نوێی ئەمریکا ئیزن بە ڕێژیمی ئێران نادات هەڕەشەی کوشتن لە دۆناڵد ترامپ بکەن.
ناوبراو لە دڕێژەدا وتی: هەرجۆرە هەوڵێک بۆ هەڕەشەکردن لە بەرپرسانی پێشووی ئەمریکا مەحکووم دەکەین و بە هاوکاریی دۆستان و هاوپەیمانەکانمان لە ناوچەکەدا ڕووبەڕووی هەموو جۆرە سەرەڕۆییەکی ڕێژیمی ئێران دەبینەوە.
هەرلەم پێوەنییەدا مایکل مەککاڵ، ئەندامی دیاری کۆماریخوازەکان لە کۆمیتەی پێوەندییەکانی دەرەوەی مەجلیسی نوێنەرانی ئەمریکا، داوای لە جۆبایدێن کردووە کە وڵامێکی توندی ڕێژیمی ئێران لەهەمبەر هەڕەشەی کوشتنی سەرۆککۆماری پێشووی ئەمریکا بداتەوە و ئێزن نەدات بەرپرسانی ڕێژیمی ئێران بە ئارەزووی خۆیان هەرەشە لە کەسایەتییە دیارەکانی ئەمریکا بکەن.