١٢٤٥ یەكەی پیشەسازی لە پارێزگای ورمێ داخراونو ئەمە گیروگرفتی زۆری لە بواری ههلی کاریو بێكاری پێك هێناوە.
پارێزگای ورمێ بە ٩٦٧ كیلۆمیتر سنووری هاوبەشی لەگەڵ سێ وڵاتی ئازەربایجان، توركیەو عێراق هەڵكەوتووییەكی بێ وێنەی ستراتیژیكو جوغرافیایی ههیه كە دەتوانێ بهستێنێکی باش بۆ گەشەو كرانەوەی ئابووریی ئەم ناوچەیە بێ، بەڵام ئەم هەڵكەوتووییە دەگمەنە تا ئێستا یارمەتیی به گەشەو كرانەوەی ئابووریی ئەم پارێزگایە نەكردوە.
جەعفەر سادق ئەسكەندەری، سەرۆكی ڕێكخراوی پیشەسازی، سامانەكانو بازرگانیی پارێزگای ورمێ دەڵێ، هەر ئێستا لە ٢٩٨٤ یەكەی بەرهەمهێنان لەم پارێزگایە ١٦٨٠ یەكەی ناچالاكو نیوە چالاكو ٣٦٣ یەكەش داخراونو کارو چالاکیش له ٩٠١ یەكەو کارگهش وهستاوه.
ناوبراو ئاماژهی بهوهش داوه که له ٤٢٨ كانگای ئهو پارێزگایه ٢٦٥ كانگایان چالاكنو ١٦٤ كانگاكەی دیكە ناچالاكنو بە واتایەكی دیكە کارو چالاکییان تێدا ڕاگیراوه.
بە قسهی ئەسكەندەری نەبوونی بازاڕ، دابەزینی كوالیتی، نەبوونی سەلاحییەتی فەننیو ماڵی خاوەن كارخانەو كانگاكانو نەبوونی ئامێری پێشكەوتوو لە هۆكارەكانی ناچالاكبوونو داخرانی ئەم کانگاو یهکه پیشهیییانهی پارێزگای ورمێن.