نرخی بێكاری لە پارێزگای ئیلام لە سەدی ٤٠ تێپەڕیوه.
هەواڵدەریی دەوڵەتیی تەسنیم بە بڵاوكردنەوەی ڕاپۆراتێك لە بارودۆخی بێكاریی ئیلام گوتی، ئەمڕۆ دۆزینەوەی كار یەكێك لە گیروگرفتە سەرەكییەكانی زۆربەی لاوانەو نەبوون هیچ هیواو هومێدێك بۆ داهات، زۆربەی گیروگرفت و دیاردە ناباوە كۆمەڵایەتییهکانی بەدواوەیە.
بەپێی ئەم ڕاپۆرتە پارێزگای ئیلام لەم پارێزگایانەیە كە لە زۆربەی پێوەرەكانی گهشهو پەرەپێدان له دوایهو بە شێوەیەك كە زۆربەی كاتەكان لە بواری بێكاری لە ئاستی سەرووی پلەبەندییەكان دایە.
ئەمە لە حاڵێك دایە كە ئەم پارێزگایە ڕاستەوخۆ ٨ ساڵ لە قەیرانی شەڕی نێوان ئێرانو عێراقدا بوو و زۆربەی شارەكانی وەك دێهلۆرانو مێهران لە لایەن ڕێژیمی عێراقەوە داگیركرابوو.
هەروەها لەم ڕاپۆرتەدا هاتووە كە ئەم پارێزگایە ٤٣٠ كیلۆمیتری سنووری هاوبەش لەگەڵ عێراق هەیە، تەنیا یەك خاڵ سنووری لەم پارێزگایەدا هەیەو بە پێی ئامارێك لە لایەن كاربەدەستان لە ساڵی ١٣٨٧ ڕاگەیەندرابوو نرخی بێكاری لەم پارێزگایەدا سەدی ١٢ بووە، بەڵام نرخی بێكاری لەم ساڵدا خۆی لە سەدی ٤٠ داوە.
عومران عەلی محەممەدی، نوێنەری ئیلام لە مەجلیس گوتبوو هەر ئێستا ١٤ هەزار بێكار كە خوێندنی زانكۆیان تەواو كردووە لەم پارێزگایەدا هەیە.