مام کەریم مەحموودزادە، کەسایەتی ناسراوو خۆشناوی ناوچەی گەورکایەتیی مەهاباد کۆچی دوایی کرد.
مام کەریم مەحموودزادە کە دڵسۆزی حیزبی دێموکڕاتی کوردستانو هەروەها خەزووری تێکۆشەری بەڕابردووی ڕێزەکانی حیزب کاک محەممەد نستانی، لە گوندی ماژگە لە ناوچەی مەهاباد بە هۆی نەخۆشیو چوونەسەرێی تەمەنی کۆچی دوایی کرد.
مام کەریم مەحموودزادە مرۆڤێکی بە هەست، نیشتمانپەروەرو پێشمەرگە خۆشەویستو، کەسایەتیی دیارو خۆشناوی ناوچەی گەورکایەتیی مەهاباد بوو. ئەو ماڵو مووچەو مەزرای شوێنی حاوانەوەی شۆڕشگێرانو بە تایبەت پێشمەرگەکانی حیزبی دێموکڕات بوو. مام کەریم هەمیشە هەوڵی دەدا کە لە ڕێگای جۆراوجۆرەوە خزمەت بە خەڵکی وڵاتەکەیو هەموو ئەو کەسانە بکا کە کار بۆ مەسەلەی یەکگرتوویی، ژینگەپارێزی، مەسەلە کۆمەڵایەتیو کلتورییەکان دەکەن.
ئەو هەروەها لە هەموو قۆناخەکانی خەباتی حیزبی دیموکراتی کوردستانداو لە ڕۆژە سەختەکانی خەباتی حیزبدا ئەوەندەی بۆی کراوە پشتو پەنای شۆڕشگێران بووەو خەمی لێ خواردوونو بە پێی توانای خۆی جێگاو ڕێگای بۆ حاوانەوەو حەسانەوەی تێکۆشەرانی دێموکڕات دابین کردوە.
ناوەندی ڕاگەیاندنی حیزبی دیموکراتی کوردستان، بە بۆنەی کۆچی دوایی مام کەریم مەحموودزادەوە پرسە و سەرەخۆشی خۆی ئاڕاستەی بنەماڵەو کەسو کاری لە نێوخۆ و دەرەوەی وڵات، بە تایبەت خاتوو گەوهەری کچیو کاک محمەمەد نەستانی دەکاو خۆی لە خەمیاندا بە شەریک و بەشدار دەزانێ.