سێ کەس لە دەسبەسەر کراوانی مانگی خەزەڵوەری ٩٨ی هەتاوی، لە دێزفوول لە لایەن دادگای ئینقلاب بە ٤٠ ساڵ بەندکران حوکم دران.
بەپێی هەواڵی هەواڵدەریی هێرانا ڕۆژی شەممە ٢٠ی بەفرانباری ٩٩ی هەتاوی، سێ کەس لە دەسبەسەر کراوانی خۆپێشاندانەکانی خەزەڵوەری ٩٨ی هەتاوی، بە ناوەکانی “ڕەعد حەمدانی، سەجاد دەبات و قوسەی خوسرەجی” خەڵکی شاری شووش سەر بە پارێزگای خووزستان، لەلایەن داداگای ئینقلابی دێزفوول بە تۆمەتی دڕاندنی وێنەی عەلی خامنەیی، موحاڕبە و ئاگرتێبەردانی پۆمپی بەنزین، سەرجەم بە ٤٠ ساڵ بەندکران حوکم دران، ئەو سێ کەسە لە کاتی لێپرسینەوە و لە ژێر ئەشکەنجەدا ناچاریان بەدانپێدانانی زۆرە ملێ کردوون و ئەو حوکمەیان بە سەر داسەپاندوون.
