پارێزەرانی سەڵاحەدین دەمیرتاش دەڵێن: بڕیارەكەی دادگای مافەكانی مرۆڤی ئورووپا توركیە پابەند دەكات بە ئازادكردنی دەمیرتاش، ئەگینا سزا و گەمارۆی گەورەی ئورووپا دەیگرێتەوە.
مەحسونی قارەمان، پارێزەری دەمیرتاش دەڵی: دوای بڕیاری دادگای مافەکانی مرۆڤی ئورووپا، دەبێ دەمیرتاش ئازاد بكرێت و بڕیارەكە جێبەجێ بكرێت، چونكە پێشتر توركیە بە رێككەوتن بڕیارەكانی ئەو دادگایەی قبووڵ كردووە و دەبێ ئێستاش رێزی لێبگرێت، ئەگەر دەمیرتاش ئازاد نەكرێت توركیە رووبەڕووی سزا دەبێتەوە.
لەوبارەوە پەروین بوڵدان، ھاوسەرۆكی ھەدەپە گوتی: “دەبێ ھەمووان رێز لە بڕیاری دادگای مافەکانی مرۆڤی ئەوروپا بگرین، ئێمە وەك ھەدەپە چاوەڕوانین پێشوازی لە دەمیرتاش بكەین.
ئەمە لەكاتێكدایە رەجەب تەیب ئەردۆغان، سەرۆك كۆماری توركیە دوێنێ چوارشەممە ٣ی بەفرانباری ٩٩ی هەتاوی رایگەیاندبوو، ئەوان پابەند نابن بە بڕیارەكە و “دادگای مافەکانی مرۆڤی ئورووپا، ناتوانێ لە جیاتی دادگاكانی توركیا بڕیار بدات”.
لە كۆنفرانسێكی رۆژنامەوانی ھاوبەشدا لەگەڵ پارێزەرانی دەمیرتاش، پەروین بوڵدان ھاوسەرۆكی پارتی دیموكراتی گەلان (ھەدەپە) رایگەیاند “سەرۆك كۆماری توركیە دەستێوەردان لە پەروەندەی دەمیرتاش دەكات”، بەڵام ئەوان بەرامبەر ئەم پێشێلكارییە بێدەنگ نابن.
شایانی باسە کە دوو ڕۆژ پێشتر واتە لە ڕۆژی سێشەممە ٢ی بەفرانبار دادگای ئورووپایی بۆ مافهكانی مرۆڤ، داوای له دهسهڵاتدارانی توركیە كرد، دهستبهجێ كهسایهتیی سیاسی كورد، سهلاحهدین دهمیرتاش، ئازاد بكهن.
