ئاماری گیان لەدەستدان بەهۆی پەتای کۆرۆناوە لە ئێران سنووری ٥٤هەزار کەسی تێپەراند.
سیما سادات لاری،وتەبێژی وەزارەتی تەندروستی ڕێژیمی ئێران ڕایگەیاند کە لە ماوەی ٢٤ کاتژمێری ڕابردوودا ١٨٧ کەس بە هۆی پەتای کۆرۆناوە گیانیان لە دەستداوە و ئاماری گشتیی گیان لەدەستدان بە هۆی ئەم پەتایەوە لە سنووری ٥٤هەزار کەس تێپەڕێوە.
بەپێی راپۆرتی هەواڵدەریی “ئیرنا” ڕۆژی سێشەممە ٢ی بەفرانباری ٩٩ی هەتاوی، سیما سادات لاری، وتەبێژی وەزارەتی تەندروستی ئێران گیانلەدەستدانی ١٨٧کەسی بەهۆی پەتای کۆرۆناوە لە ٢٤کاتژمێری ڕابردوودا پشتڕاست کردۆتەوە و ئاماری گشتیی گیان لە دەستدانی بە هۆی ئەم پەتایەوە ٥٤هەزار و ٣کەس ڕاگەیاندووە.
بەوتەی وتەبێژی وەزارەتی تەندروستیی ڕێژیمی ئێران لە ماوەی ٢٤ کاتژمێری ڕابردوودا ٦هەزار و ٢٠٨کەسی دیکە تووشی پەتای کۆرۆنا بوون و لە هەمووی ئێراندا ٥هەزار و ٤٦٧کەس لە نەخۆشخانەکان لە ژێر چاوەدێری چڕدان،
ناوبراو دەڵێ: لە ئێستادا بە خۆشحاڵییەوە تا ڕادەیەکی بەرچاو بە هاوکاری خەڵک و ڕەچاوکردنی ڕێنوێنییە تەندروستییەکان ئاماری گیانلەدەستدان بە هۆی ئەم پەتایەوە نزم بۆتەوە.
