دوای کنەو گەڕان بە دوای شوێنەوارو ئاسەواری کۆندا لە ئەشکەوتو پەناو پەستێوی چیاکانو دەورووبەری ڕووباری سیروان لە پارێزگای سنە، گرووپێکی شوێنەوارناسی کۆمەڵێکی بەرچاو کەلوپەلی سەردەمی بەردینو پاش سەردەمی بەردینیان دۆزییەوە.
فەرەیدوون بیگلەری، بەرپرسی گرووپی شوێنەوارناسی وێڕای پشتڕاستکردنەوەی ئەو هەواڵە ڕایگەیاند کە کەلوپەلە دۆزراوەکان پەیوەندییان بە سەردەمی بەردینو پاش ئەو سەردەمەوە هەیەو مێژووەکەیان دەگەڕێتەوە بۆ نێوان ٤٠ تا ١٢ هەزار ساڵ لەمەوبەرو، پاشماوەی ئەو خەڵکانەن کە لە کەنارەکانی ڕووباری سیراوندا ژیاون.
بە قسەی بیگلەری کەلوپەلەکان بریتن لە کەرەستەی بەردین، ئێسقانی ئاژەڵو پاشماوەکانی ئاوردان کە بە پێی لێکووڵینەوە سەرەتاییەکان ئی چاخی نێوەڕاستی بەردینو چاخی بەردینی نوێو پاش سەردەمی بەردینن.
سەرپەرستیی ئەو گڕووپە کەونارناسییە دەڵێ ئەو کەلوپەلانە لە کۆمەڵێک ئەشکەوتدا لە نزیک ئاوایی ” ناو” سەربە شارستانی سروئاوا کە دەکەونە سەر ڕووباری سیروان دۆزراونەتەوەو هێشتا گەڕانو ڵێکۆڵینەوە لەسەر ئەو بابەتە درێژەی هەیەو تا ئێستا دەیان پاڕچە ئاسەواری بەنرخ کە هەڵگری مێژووی کۆنی دانیشتوانی ئەو ناوچەیەن دۆزراونەتەوە کە لە ناویاندا دەکرێ ئاماژە بەو ئاسەوارانە بکرێ کە لە حەشارگەیەکی بەردین بە ناوی ” مرو” دۆزرانەوەو مێژووەکەیان دەگەڕێتەوە بۆ نێوان ٤٠ تا ٧٠ هەزار ساڵ لەمەوبەر.