ئەندامان و لایەنگرانی بە ئەمەگی حیزبی دێموکرات لە شاری بجنوورد لە پارێزگای خوراسانی باکوور، بە بۆنەی ٢٦ی سەرماوەزەوە چالاکییەکی تەبلیغییان بەڕێوە برد.
بەپێی هەواڵی گەیشتوو لە کۆمیسیونی تەشکیلاتی حیزبی دێموکراتی کوردستانەوە ڕۆژی چوارشەممە٢٦ی سەرماوەزی ٩٩ی هەتاوی، ئەندامان و لایەنگرانی دڵسۆزی حیزبی دێموکراتی کوردستان و کوردانی باکووری خوراسان، بە بۆنەی هاتنی ٢٦ی سەرماوەز( ڕۆژی ئاڵا و پێشمەرگەی کوردستان) چالاکییەکی تەبلیغییان لە شاری بجنوورد بەڕێوە برد.
لە دڕێژەی کارو چالاکییەکانی ئەندامانی دڵسۆزی ناوخۆی وڵات، بە بۆنەی ٢٦ی سەرماوەز ڕۆژی ئاڵا و پێشمەرگەی کوردستان، ئەمجارە لە ڕۆژی چوارشەممە لاوانی دڵسۆز و چالاک و وڵاتپارێزی کوردستان و کوردانی نیشتەجێ لە خوراسان لە شاری بجنوورد بە بۆنەی ئەم ڕۆژە پیرۆزەوە چالاکییەکی تەبلیغییان بەڕێوە برد.
لە لایەن کۆمیسیۆنی تەشکیلاتی حیزبی دێموکراتی کوردستانەوە وێرای دەسخۆشی و ماندوو نەبوونی لە هاوڕێیانی بوێر و دڵسۆزمان لە بجنووردی دەلال، هیوای سەرکەوتن و بەردەوامییان بۆ بە ئاوات دەخوازین.
