دوابەدوای پەرە ئەستاندنی شەڕو تێکهەڵچوونهکان لە باکووری کوردستان، کۆنگرەی کۆمەڵگەی دیموکراتیک داوای لە حکومەتی تورکیە کردووە کە مافی خۆبەڕێوەبەری بداتە کوردانی ئەو وڵاتە.
کۆنگرەی کۆمەڵگەی دیموکراتیک، پاش کۆبوونەوەیەکی دوو ڕۆژە کە لە شاری ئامەدی باکوری کوردستان پێک هات، لە دوو توێی داخوازینامەیەکدا که ڕادەستی بەڕێوەبەرانی حکومەتی کردوەو هاوکات لە بەیاننامەیەکدا خاڵ و بڕگەکانی ئەو داواکارییەی بۆ ڕای گشتی بڵاو کردووەتەوە.
کۆنگرەی کۆمەڵگەی دیموکراتی ” کە جە دە” پەسند کردنی داواکاری کوردان بۆ دامەزراندنی دەسەڵاتێکی خۆبەڕیوەبەری بە تەنیا ڕێگە بۆ کۆتایی هێنان بە کێشەو شەری نێخۆیی ئەو ولاتە دەزانێو داوای لە کۆمەڵانی خەڵکی باکووری کوردستانیش کردووە کە بە هەموو توانایانەوە پشتگیری لهو داوایه بکهن.
لە بەرامبەر ئەو داوایهی کۆنگرەی کۆمەڵگەی دیموکراتیکدا هەر دوو سەرۆکایەتیی سهرۆکوەزیرانو سهرکۆماریی تورکیە بە توندی هەڵوێستیان گرتوه.
بە گوێرەی هەواڵی ئاژانسی ڕۆیتەرز لە یەکەم کاردانەوەدا ئەحمەد داوود ئۆغلوو، سەرۆک وەزیرانی ڕژیمی تورکیە چاوپێکەوتنی خۆی لەگەڵ ڕێبەرانی پارتی دیموکراتیکی گەلان (HDP) هەڵوەشاندەوە. هاوکات ڕەجەب تەیب ئەردۆغان، سەرۆک کۆماری ئەو وڵاتەش لە وتووێژێکدا لەگەڵ ئاژانسەکانی هەواڵ ڕایگەیاند کە ئەوان ڕێگە نادەن لە ناو وڵاتی تورکیەدا وڵاتێکی دیکە درووست ببێ.
هەرچەندە حیزبه کوردییەکانی نێوخۆی تورکیە کە ئێستا لە پارلەمانی ئەو وڵاتە دا خاوەن دەیان کورسین، لەو باوەڕەدان کە تەنیا ڕێگە چارە بۆ کۆتایی هێنان بە کێشەو شەڕی نێوان دوو نەتەوەی تورکو کورد دان نانە بە مافەکانی ئەو گەلە دا، بەڵام چاوەدێرانی سیاسی ئەو هەنگاو و هەڵوێستەی کۆنگرەی کۆمەڵگەی دیموکراتیک، فاکتەرێک بۆ قووڵبوونەوەی کێشەکانو توندتر بوونی شەر لە نیوان هەرد ووک لا دا دەبینن.
