لە بەرزاییەکانی ناوچەی چۆمی مەجیدخان ئالای کوردستان هەڵکرا

لە ناوچەی چۆمی مەجیدخان ، بەبۆنەی ڕۆژی ئاڵا و پێشمەرگەی کوردستان چالاکی تەبلیغی بەڕێوە چوو و هەر بەو بۆنەیەوە لاوانی ناوچەی چۆمی مەجیدخان ئاڵای کوردستانیان لە بەرزاییەکانی ئەو ناوچەیەدا هەڵکرد.
بەپێی هەواڵی گەیشتوو لە کۆمیسیۆنی تەشکیلاتی حیزبی دێموکراتی کوردستانەوە، ڕۆژی ٢٥ی سەرماوەزی ٩٩ی هەتاوی لایەنگران و ئەندامانی ئازا ودڵسۆزی حیزبی دێموکراتی کوردستان بە بۆنەی هاتنی ٢٦ی سەرماوەز ڕۆژی ئاڵا و پێشمەرگەی کوردستان بە هەڵکردنی ئاڵای کوردستان لە بەرزایی و گوندەکانی وەکوو؛ کەڵبەڕەزاخان، سارووقامیش، حاجیلە و قەرگۆل لە ناوچەی چۆمی مەجیدخانی بۆکان بە بۆنەی ڕۆژی ئاڵای کوردستان و پێشمەرگە، ئەو ڕۆژەیان پیرۆز کرد.
لە لایەن کۆمیسیۆنی تەشکیلاتی حیزبی دێموکراتی کوردستانەوە وێڕای دەسخۆشی و ماندوونەبوونی لەو هاوڕێ بە ئەمەگ و چاونەترسانە کە خۆڕاگرانە بە هەر شێوەیەک بێت بە داگیرکەرانی کوردستان دەڵێن ئێوە ناتوانن بیری نەتەوەییمان داگیر بکەن، هیوای سەرکەوتن و بەردەوام‌بوونیان لە ئەرکەکانیان بۆبە ئاوات دەخوازین.

 

1 لە 6

- +

1.

2.

3.

4.

5.

6.