ئەندامانی چالاکی نێوخۆی حیزبی دێموکراتی کوردستان، بە بۆنەی هاتنی ٢٦ی سەرماوەز ڕۆژی ئاڵا و پێشمەرگەی کوردستان، چالاکییەکی بەربڵاوی تەبلیغییان لە گوندی” قەلە ڕەشە”ی ناوچەی هۆملی سەردەشت بەرێوە برد.
بەپێی هەواڵی گەیشتوو بە کۆمیسیۆنی تەشکیلاتی حیزبی دێموکراتی کوردستان، ڕۆژی یەکشەممە ٢٣ی سەرماوەزی ٩٩ی هەتاوی، لایەنگران و ئەندامانی بە ئەمەگ و فیداکاری حیزبی دێموکراتی کوردستان لە گوندی “قەلەڕەشە” لە ناوچەی هۆملی سەردەشت بە بۆنەی هاتنی ٢٦ی سەرماوەز( ڕۆژی ئاڵا و پێشمەرگەی کوردستان)، بە هەڵکردنی ئاڵای پیرۆزی کوردستان لە بەرزاییەکانی ئەو گوندە و دەوروبەری بەرەو پیلی ئەو ڕۆژە نەتەوەییە چوون و پیرۆزبایی ئەو ڕۆژە پیرۆزەیان لە کورد و کوردستان و بە تایبەت پێشمەرگە قارەمانەکانی کوردستان کرد.
لە لایەن تەشکیلاتی حیزبی دێموکراتی کوردستانەوە وێڕای دەسخۆشی و ماندوونەبوونی لە هاوڕێیانی بە ئەمەگ و ئازامان لە گوندی قەلەڕەشەی ناوچەی هۆملی سەردەشت، هیوای سەرکەوتن و بەردەوام بوونیان لە ئەرکەکانیان بۆبە ئاوات دەخوازین.
