سارد بوونی كەشو هەوا و نەبوونی كەرستەی گەرم كەرەوە لە ساڵۆنی نیگارخانەی كۆڕی فەرهەنگیو هونەریی شارەداریی مەهاباددا، داخرانی پێشانگای یەكێك لە هونەرمەندانی شێوهکاری ئەم شارەی لێکهوتهوه.
بەپێی ڕاپۆرتی سەرچاوەکانی ههواڵ له مههاباد لەم پێشانگایەدا بەرهەمە هونەرییەكانی یەكێك لە هونەرمەندانی لاوی ئەم شارە بە ناوی لالە شاهرۆخ پێشان دەدرا. قەرار بوو ئەم پێشانگایەش لە ڕۆژی ٣٠ی سەرماوەز ڕا تا ١٠ی بەفرانبار كراوە بێ، بەڵام بەهۆی نەبوونی سۆبەو كەرستەی گەرمكەرەوە ئەم پێشانگایە تەنیا لە ڕۆژی كرانەوەیدا ئاوەڵا بوو؛ بهڕێوهبهرانی پیشانگاکهش دهڵێن پیشانگاکه تا پاش پشووی نەورۆز دوا خراوه.
لالە شاهرۆخ لەم بارەوە دهڵێ لە كۆمەڵگای ماددیخوازو سامانخۆشهویستدا كە نرخی مرۆڤەكان بە پوڵهوه گرێ دراوەو هیچ ڕێزێك لە هونەر ناگیرێو وەها كۆمەڵگایەك بە دەستی هەژاری فەرهەنگیو هونەرییەوە هاواریهتی.
لالە شاهرۆخ، كچی هونەرمەندی دەنگخۆشو ناوبەدەرەوەی كورد مامۆستا “عەزیز شاهرۆخ”ە.