لە ئاوایی مەلەکشانی سەر بە شاری سنە، بەبۆنەی چلەی ماتەمینی مامۆستا جەلال مەلەکشا شاعیری ناوداری گەلی کورد، بەبەشداریی کۆمەڵێک لە کەسایەتییە دیارەکانی کورد و چالاکانی مەدەنی و ڕووناکبیران و خەڵکی ناوچەکە ڕێوڕەسمێک بۆ ڕێزگرتن لەو کەڵە پیاوەی کورد بەڕێوەچوو.
ڕۆژی پێنجشەممە ٢٠ی سەرماوەزی ٩٩ی هەتاوی، بەبۆنەی چلەمین ڕۆژی کۆچی دوایی شاعیری نەتەوەیی و خەمخۆری ئاڵا و خاکی کوردستان مامۆستا جەلال مەلەکشا ڕێوڕەسمێک بۆ یادی ئەو نامرە بەڕێوە چوو کە هۆگرانی ئەدەب و فەرهەنگی کوردی و شاعیرانی کوردستان بە بەشداری کردنیان لەو ڕۆژەدا ڕێزیان لە ماندوو بوون و تێکۆشانی مامۆستا جەلال مەلەکشا گرت.
شایانی باسە کە نەمر مەلەکشا، شاعیرێکی نەتەوەیی و هۆگری کورد و کوردستان و بوو، هۆنراوە و شێعرەکانی مامۆستا جەلال زۆربەی هەرەزۆریان نەتەوەیی و نیشتمانین و بزوێنەری سۆز و هەستی نەتەوایەتیی خەڵکی کوردن.
