گرووپێك لە كرێكارانی گرێبەستی ئیدارەی ئاو و فازڵاوی سنە بە مەبەستی وەرگرتنی مووچەكانیان كۆبوونەوەیەكی ناڕەزایەتییان بەڕێوەبرد.
سەرلە بەیانیی ڕۆژی دووشەممەی ڕابردوو گرووپێك لە كرێكارانی گرێبەستی ئیدارەی ئاوو پاشەڕۆی شاری سنە بە نیشانەی ناڕەزایەتی دەربڕین بە دواکەوتنی مووچە سێ مانگیان لە بڵواری شبلی كۆبوونەوە.
لە هەمان ڕۆژدا گرووپێك لە كرێكارانی گرێبەستی ئیدارەی كەشناسیش بە نیشانەی ناڕەزایەتی دەربڕین لە بڵواری جانبازان كۆبووبنەوە و داوای مووچەی ٣ مانگ دواكەوتوو و ٩ مانگ بیمەی خۆیان كرد.
هەروەها لە شاری دیواندەرەش كۆمەڵێك لە كرێكارانی ئیدارەی تەعاونی ئەم شارە بۆ ناڕەزایەتی دەربڕین بە مووچەی دواكەوتوو و پێنەدانی مووچەی زیادەكاریی مانگی ڕەزبەر لە بەردەم ئەم ئیدارەیە كۆبوونەوەو داوای حەقی خۆیان کرد، کە داواکانیان بێ وەڵام مایەوە.