هاجەر سلێمانزادە، هاوسەری شەهیدێکی حیزبی دێموکراتی کوردستان لە شاری مەهەباد ماڵاوایی لە ژیان کرد.
بەپێی هەواڵی گەیشتوو بە ناوەندی ڕاگەیاندنی حیزبی دێموکراتی کوردستان، ڕۆژی هەینی ٢٣ی خەزەڵوەری ٩٩ی هەتاوی، خاتوو “هاجەر سلێمانزادە” هاوسەری شەهید” عەزیز مەعرووفزادە” لە تەمەنی ٧٢ ساڵیدا لە گوندی “ئیندرقاش” لە ناوچەی شاروێران بە هۆی نەخۆشییەوە ماڵاوایی لە ژیان کرد.
شایانی باسە کە شەهید” عەزیز مەعرووفزادە” پێشمەرگەیەکی ئازاو وفیداکار و دڵسۆز بوو کە لە ڕووبەڕووبوونەوە لە گەڵ دۆژمنانی گەل و نیشتماندا هیچ ترسێکی نەبوو و چاو نەترسانە ڕووبەڕوویان دەبووەوە، بە داخەوە ساڵی ٥٩ی هەتاوی، لە شەڕێکی نابەرانبەردا لە گەڵ بەکرێگیراوانی ڕێژیم شەهید دەبێ و گیانی خۆی پێشکەش بە بارەگای ئازادیی کوردستان دەکا.
لە لایەن ناوەندی ڕاگەیاندنی حیزبی دێموکراتی کوردستانەوە وێڕای دەبڕینی خەم و پەژارەی خۆمان بۆ گیانلەدەستدانی خاتوو: “هاجەر سلێمانزادە” پرسە و سەرە خۆشی خۆمان ئاراستەی بنەماڵەی بەڕێزیان و سەرجەم خزم و کەسوکاریان دەکەین و خۆمان بە شەریکی خەمیان دەزانین.
