وەرزشكارانی ئیلام لە كێبڕكێیەكانی نێودەوڵەتیی پاورلیفتینگ کە لە وڵاتی توركیە بەڕێوەچوو، ٣ میداڵی زێڕی ڕكەبەرییە نێودەوڵەتییەكانی “پرێس سینە و دێدلیفت”یان بردەوە.
لەم كێبڕكێیانەدا کە بە ئامادە بوونی ١١ وڵاتی ئاسیاییو بە خانەخوێیەتی توركیە بەڕێوەچوو؛ جەعفەر پیرنیا لە كێشی ١٤٠ كیلۆگڕەم و لە دوو بواری”پرێس سینە و دێدلیفت”دا توانی براوەی دوو میداڵی زێڕ بێ.
وەرزشكارێكی ئیلامیی دیكەش بە ناوی حوسێن فەرەجی هەر بەم كێشە و لە “پڕێس سینە”دا میداڵێكی زێڕی بردەوە.
وەرزشكارەكانی لقی لەشجوانیی پارێزگای ئیلام تا ئێستا چەندین جار بانگهێشتی ئۆردووەكانی تیمی میللی كراون كە لە نێو ئەواندا كەسانێكی وەك جەعفەر پیرنیا، پووریا مەحموودی، جەهانگیر بەختیاری، محەمەەدئەمین قاسمی و مەحموود عەبدوڵڵاهی لە كێبڕكێ نێودەوڵەتییەكاندا پلەی جۆربەجۆریان وەدەست هێناوە.
شایانی باسە نزیكەی ٦ هەزار وەرزشكاری ئیلامی لە وەرزشی لەشجوانی لە ئاستی ئەم پارێزگایەدا چالاكن.
