کاک مستەفا تەهازادە پێشمەرگەی ڕۆژە سەختەکان و مامی دوو شەهیدی ڕێگای ڕزگاری گەلەکەمان شەهیدان “کاک رەحمان وکاک رەحیم تەها زادە “بەهۆیی نەخۆشی کۆچی دوایی کرد.
بەپێی هەواڵی گەێشتوو بەناوەندی راگەیاندنی حیزبی دیمۆکراتی کوردستان، ڕۆژی سێشەممە ٦ی خەزەڵوەری ٩٩ی هەتاوی کاک “مستەفا تەهازادە” تەهازادە پێشمەرگەی ڕۆژە سەختەکان و مامی دوو شەهیدی ڕێگای ڕزگاری گەلەکەمان شەهیدان “کاک رەحمان وکاک رەحیم تەها زادە “بەهۆیی نەخۆشی کۆچی دوایی کرد.
شایانی باسە کاک مستەفا تەهازدە لە سەرەتای دەسپێکردنی خەباتی چەکداری بە دژی داگیرکاریی کۆماری ئیسلامی تاساڵی ٦١ی هەتاوی پێشمەرگەی حیزبی دیمۆکراتی کوردستان بووە،
ناوبراوهەر لە کۆتایەکانی دەیەەی ٦٠ ی هەتاوی لەشاری نەڵۆس بەتاوانی نیشتمانپەروەری دەسبەسەرکران و دوو ساڵ لە زیندانی وڕمێ دەسبەسەر کرا.
کاک مستەفا پیاوێکی قسە خۆش وبەرێز وبەبیر وباوەر بوو وجێگایی متمانەی هاوڕییانی و خەڵکی ناوچەکە بوو ،کاک مستەفا تا دوایین ساتەکانی ژیانی بەحیزب ورێبازە پیرۆزەکەی وەفادارمایەوە.
لە لایەن ناوەندی ڕاگەیاندنی حیزبی دێموکراتی کوردستانەوە وێرای دەربڕینی خەم و پەژارەی خۆمان بۆ کۆچی دوایی کاک مستەفا، سەرەخۆشی لە بنەماڵەی بەڕیزیان و خزم و کەسوکاری دەکەین و شەریکی خەمیانین.
