كۆبوونەوەی ناڕەزایەتی دهربڕینی كۆمەڵێك لە خوێندكارانی زانكۆی پەیامی نوور لە سنەو كۆمەڵێك لە كرێكاران لە شارەكانی سهحنەو مەریوان بەڕێوەچوو.
سەر لە بەیانیی ڕۆژی سێشەممە ٢٤ی سەرماوەز كۆمەڵێك لە خوێندكارانی زانكۆی پەیامی نووری سنە بۆ ناڕەزایەتیی دەربڕین سهبارهت به پێنەدارنی وامی خوێندكاری كە بڕیار بووە بدرێته خوێندكاران؛ لەبەردەم ئەم زانكۆیە كۆ بوونەوەو داوای جێبەجێكردنی ئهم بڕیاره بوون.
هەر لە هەمان ڕۆژدا كۆمەڵێك لە كرێكارانی شارەداریی شاری سەحنە بۆ ناڕەزایەتیی دەربڕین به پێنەدرانودواکهوتمی مووچەی ٤ مانگیانو پێشێلكرانی مافەكانیان لە شوێنی شارەداریی ئەم شارە لە بەردەم پاركی تهوحید كۆبوونەوەو داوای مووچەی دواكەوتووی خۆیان كرد.
لە مەریوانیش بە سەدان كەس لە كرێكارانی بەنداوی داریان بە مەبەستی ناڕەزایەتیدەربڕین به دواكەوتنی مووچەكانیان لەبەردەم دەفتەری بەڕێوەبەرایەتیو لە شوێنی كارەكەی خۆیان كۆبوونەوەیەكیان وەڕێ خست.
بەپێی ڕاپۆرتی چالاكانی كرێكاریی مەریوان بە سەدان كەس لە كرێكارانی ئەم بەنداوە لە ماوەی چەند مانگی ڕابردوودا لەسەر كارەكانیان دەركراونو تا ئێستاش مووچە دواکهوتووهکانیان نهدراوهتێ.
پرۆژەی بەنداوی داریان لە دەستی سپای پاسداران دایهو لە ماوەی ئەم حەوتوویەدا ئەوە دووهەمین جارە كە كرێكارانی ئەم بەنداوە سهبارهت به نهدرانی مووچهو حهقدهستهکانیان مان دهگرن.
