ڕاگەیاندنی ئەمنی عێراق بڵاویکردەوە، بەرەبەیانی ئەمڕۆ دوو مووشەکی کاتیۆشا ئاراستەی ناوچەی سەوزی بەغدا کران.
بەگوێرەی سەرچاوەکانی هەواڵی میدیاکامنی عێراقی دوو مووشەک ئاراستەی ناوچەی سەوزی بەغدا کران کە لەلایەن سیستمی بەرگری ئاسمانی باڵیۆزخانەی ئەمریکا لە ئاسمانی ناوچەکە تەقێنرانەوە.
شایانی باسە کە پێشتریش ڕاگەیاندنی ئەمنیی عێراق بڵاویکردەوە، لە ڕێگای دیوانییە بۆمبێک و لە سنووری پارێزگای بابلیش، بۆمبێکی دیکە بە کاروانی ئەو ماشینانەدا تەقیوونەتەوە، کە کەلوپەلی لۆجستی بۆ هێزەکانی هاوپەیمانان دەگوازنەوە.
بۆ کەمتر کردنەوەی کاریگەریی ئەم هێرشانەوە تا ئێستا، هێزەکانی ئەمریکا لە ٨ بنکەی سەربازیان لە عێراق کشاونەتەوە.
لەكاتی شەڕی داعش ئەمریكا ٥٢٠٠ سەرباز، راویژکار و راهێنەری لە عێراق بڵاوكردنەوە. چەند رۆژێك لەمەوبەر بەرپرسێكی باڵای ئیدارەی ترامپ ئاشكرای كردبوو، دۆناڵد ترەمپ سەرۆكی ئەمریكا بڕیاری كشاندنەوەی ھێزەكانیان لە عێراق دەدات و لە قۆناغی یەكەمدا یەک لەسەر سێی هێزەکانی لە عێراق دەکشێنێتەوە.
