کاک خالید عهزیزی له وتووێژ لهگهڵ ماڵپهڕی ” وشه”دا به ئاماژه به ئاڵوگۆڕه سیاسییهکان له ناوچهی ڕۆژههڵاتی نێوهڕاست دهڵێ: حیزبهکانی ڕۆژههڵاتی کوردستان نهیانتوانیوه گوتارێکی یهکگرتوویان ههبێو، تا ئێستاش ئورووپاو ئهمریکا پهروهندهیهکیان بە ناوی كوردی ئێران نەكردۆتهوه.
لهو وتوێژهدا کاک خالید عهزیزی به ئاماژه به سهرنهکهوتنی ههوڵهکانی حیزبی دێموکڕاتی کوردستان له پرسی یهکگرتنهوهی دێموکڕاتهکاندا دهڵێ كێشەو لەتبوونەكانی حزبی دیموكرات لە دەیان ساڵی رابردوودا، خەتای رێبەرانو كادرو ئەندامانی حیزب بووە، بهڵام بە داخەوە ئێمەی كورد فێرین ئۆباڵی شكستو سەرنەكەوتنەكانمان بخەینە سەر شانی خەڵكانی دیکه.
سکرتێری گشتیی حیزبی دێموکڕاتی کوردستان لهبارهی پهراوێزکهوتنی کوردی ڕۆژههڵاتی نێوهڕاست له هاوکێشه سیاسییهکانی ناوچهدا دهڵێ لە راستیدا دەبێ ئێران لە ئاستی نێوخۆییو دەرەوە تووشی كێشە بێو ئێمەش ببین بە فاكتۆرێك. ئەگەر ڕۆژههڵاتی کوردستان لەگەڵ سێ پارچەكەی دیکهی كوردستاندا بەراوردی بكەین، بێگومان كوردستانی ئێران ئەو بارودۆخەی نییە. دیاره سەرەڕای خەباتو تێكۆشانو بوونی بەرچاوی پێشمەرگەكانی حیزبی دیموكراتو خەباتی مەدەنی خەڵك لە نێوخۆی وڵات، دەبێ ئەو راستییە قبووڵ بكەین كە شەڕو بەربەرەكانی لەگەڵ وڵاتێكی وەك ئێران كارێكی زۆر ئاسان نییە. له نێو خۆشماندا ئێمەی حیزبەكانی رۆژهەڵات كە لە باشووری كوردستان نیشتەجێین، بێ کێشه نین، لە یەكگرتنەوەكان سەركەوتوو نەبووین، نەمانتوانیوە گوتارێكی یەكگرتوو دروست بكەینو؛ نەمانتوانیوە بەیەكەوە ئەدرەسێكی باشتر بۆ مەسەلەی كوردی ئێران بە دنیا بناسێنین.
کاک خالید عهزیزی له بهشێکی دیکهی ئهو وتووێژهدا دهڵێ هەوڵم داوە بە گوتارو پەیامەكانی خۆم، هەم بە ریفۆرمخوازانی ئێرانیو هەم بە چالاكانی سیاسیو مەدەنیی كورد لە نێو خۆی وڵات بڵێم كە بازنەی پێوەندییان لەگەڵ یەكتردا بەهێز بێ.. هەروەها لە نێوخۆی كوردستاندا كێشەو ناكۆكییەكان بەلاوە بنێن. كورد لە نێوخۆی وڵاتدا لە نێو بەرەی توندڕەودا (خامنەییو سوپای پاسداران) ناتوانێ دۆست پەیدا بكا، بەڵام دەتوانن لەگەڵ بەرەی میانڕەو و ریفۆرمخوازاندا پێوەندییان هەبێ.
سکرتێری گشتیی حیزبی دێموکڕاتی کوردستان لهبارهی قورسایی ئۆپۆزیسیۆنی ئێرانی دهڵێ ئۆپۆزسیۆنی ئێران زۆر پەرتەوازەیەو سەركەوتوو نەبووە تا بەدیلێك لە بەرامبەر كۆماری ئیسلامیدا دروست بكاو، نەبووە بە ئەدرەس بۆ خەڵك. بهڕێزیان لهبارهی دروستنهبوونی بهرهی کوردستانی له ڕۆژههڵاتی کوردستان به ڕهخنهوه لهو بابهته دهڕوانێو دهڵێ كاتێك دوو لای دیموكرات پێك نایەن، چۆن دەكرێ بەرەیەك بۆ كوردی ئێران دروست بكرێو كاتێك بەرەیەكی كوردی بە گوتارو پڕۆژەی هاوبەش بوونی نەبێ، زۆر ئەستەمە بكرێ بەرەیەكی هاوبەش لەگەڵ ئۆپۆزسیۆنی ئێرانیش دروست بكەین.
کاک خالید عهزیزی لهبارهی بۆچوونی وڵاتانی ئورووپاو ئهمریکا لەسەر مەسەلەی كوردی رۆژهەڵات دهڵێ: وڵاتانی ئورووپاییو ئەمریكا كە دێنە سەر مەسەلەی كورد لە ئێران، لە چوارچێوەی بەرژەوەندیی خۆیان لەگەڵ تاران، ئاوڕ لە مەسەلەی كورد دەدەنەوە. ئێستەش كە ئێرانو ئەمریكا رێك كەوتوونو تەنانەت ئەگەر بە رووكەشیش بێت ئێران لە بەرەی دژ بە داعش دایە، وڵاتانی ئورووپای و ئەمریكا لەگەڵ ئەوەی لە كێشەی كوردی ئێران ئاگادارن، بەڵام خۆیان لەو دۆخەدا نابینن كە لەسەر مەسەلەی كورد، كێشەیان لەگەڵ ئێراندا هەبێت یان فشاری بۆ بێنن. بۆیه ئهوان داواكانی ئێمە دەخەنە نێو چوارچێوەی مافی مرۆڤ لە هەموو ئێرانو ئەوان تا ئێستە پهروهندهیهکیان بە ناوی كوردی ئێران نهکردۆتهوه.
دهقی ئهو وتووێژهی کاک خالید عهزیزی لهگهڵ ماڵپهڕی وشه لهو لینکهدا داگره:
http://www.wishe.net/dreja.aspx?Jmare=32423&Jor=5
خالید عەزیزی: حیزبهکانی ڕۆژههڵاتی کوردستان نهیانتوانیوه گوتارێکی یهکگرتوویان ههبێ
نوێترین
