ئاژانسی نێونەتەوەیی وزەی ناوکی رۆژی چوار شەممە ١٤ی خەرمانان ڕایگەیاند: پیتاندۆمی ئورانیۆم لە ئێران لە ئێستادا ١٠ بەرابەری ئەوەیە کە ڕێژیمی ئێران ساڵی ٩٤ی هەتاوی لە ڕێکەوتنی بەرجام لە گەڵ وڵاتانی پێنج کۆ یەکدا واژۆی کردووە.
بە پێی ڕێکەوتنی بەرجام هەبوونی ٣٠٠ کیلوو ئورانیۆم بە شیوەی کۆکراوو دەبێتە ٢٠٢.٨ کیلوو ئورانیۆمی ڕێگە پێدراو، لە کاتێکدا بە پێی ڕاپۆرتی ئێستای ئاژانسی جیهانی، پیتاندنی ئورانیۆمی رێژیمی ئێران گەیشتووەتە ٢٠١٥ کیلوو کە ئەم بڕە ڕێگە پێدراو نییە.
هەروەها ئاژانس ڕایگەیاند کە ڕێژیمی ئێران ئیزنی بە لێکۆلەرەکان داوە تا دەستیان بە دوو ناوەندی گومان لێکراو کە لەوشوێنانە چالاکیی ناوکی دەکرێ بگا و لێکۆلینەوە لەم ناوەندانە لە مانگی داهاتوودا دەست پێدەکا.
ڕافائێل گرووسی بەرپرسی گشتی ئاژانسی جیهانی وزەی ناوکی و عەلی ئەکبەر ساڵحی بەرپرسی ڕێکخراوی وزەی ناوکی ئێران ڕۆژی چوارشەممە٥ی خەرمانانی ٩٩ی هەتاوی لە ڕاگەیندراوێکی هاووبەشدا ڕایانگەیاند حکوومەتی ئێران ڕەزامەندی خۆیی لە هەمبەر دەست پێڕاگەیشتنی لێکوڵەرەکانی ئاژانسی وزەی ناوکی بوو بۆ چاوپێکەوتنی ئەم دوو ناوەندە گومان لێکراوە دەربڕیوە
لەم ڕاگەیاندراوەدا هاتووە کە ڕێژیمی ئێران و ئاژانسی نێونەتەوەیی وزەی ناوکی لە سەر چارە سەر کردنی کێشەی ناوکی و کات و ساتی هاتنی لێکوڵەرەکانی ئاژانس رێکەوتنیان کرد
یەکێک لەم دوو ناوەندە گومان لێکراوانە کە پێشتر ڕانەگەیاندرا بوو، لە نزیک شاری ڕەزا لە پارێزگای ئیسفەهان دایە
بە پێی بەڵگەنامەکانی نتانیاهو: دووهەمین ناوەندی گومانلێکراو لە نزیک گوندی تورقوزئاوا لە باکووری شاری تاران دایە، نتانیاهو سەرۆک وەزیرانی ئیسرائیل بۆ یەکەمین جار بە هۆی بەڵگەنامە دەستپێڕاگەیشتووەکان لە ئارشیڤی ڕێکخراوی ناوکی ئێران لە ساڵی ٩٧ی هەتاوی لە لایەن دامەزراوەیی هەواڵدەریی و زانیارییەکانی ئیسرائیل “موساد’ ئاشکرای کرد
ئاژانسی جیهانی وزەی ناوکی ماوەیەک لەمەو پێش بەیاننامەیەکیان بە پێشنیاری ولاتانی ئورووپای واژۆکەری بەرجام:” بریتانیا،فەرانسە و ئاڵمان’ ڕاگەیاندرا کە لەم ڕاگەیاندراوەدا ڕێژیمی ئێران تۆمەتبار کراوە بەوەی کە هاوکاەی پێویست لە گەڵ ئاژانسی نێونەتەوەیی وزەی ناوکیدا ناکا.