لە ڕۆژانی ڕابردوودا لە شارەکانی مەریوان و سەردەشت ٦ هاوڵاتی لە لایەن هێزەکانی ئیتلاعاتی ئەو شارانەوە دەسبەسەر کراون.
دوو هاووڵاتیی خەڵکی مەریوان دوای بەشداری کردنیان لە ڕێوڕەسمی تایبەت بە دووهەمین ساڵڤەگەری گیان لە دەست دانی دوو ژینگەپارێزی خەڵکی ئەو شارە، لەلایەن هێزە ئەمنییەکانەوە دەستبەسەر کراون.
ئیوارەی ڕۆژی دووشەممە ٣ی خەرمانانی ٩٩ی هەتاوی هێزەکانی ئیدارەی ئیتلاعاتی مەریوان دوو هاووڵاتیی خەڵکی ئەو شارەیان بە ناوەکانی ”فەرزاد مورادی“ و ”نەوشیروان ڕەزایی“ خەڵکی “هەڵیزاوا ی مەریوان “دەستبەسەر و بۆ شوێنێکی نادیاریان گواستوونەتەوە.
هەروەژها لە ماوەی ڕۆژانی ڕابردوودا چوار هاووڵاتیی خەڵکی سەردەشت بە ناوەکانی ”ئاکام حەسەن زادە“، ”ڕەحمان نادری“، ”خوسرەو جەهان ئارا“ و ”سەردار مەلا“ لەلایەن هێزەکانی ئیدارەی ئیتلاعاتی ئەو شارەوە دەستبەسەر کراون
شایانی باسە کە ئەو چوار هاووڵاتییە بە تۆمەتی هاوکاری لەگەڵ یەکێک لە حیزبە کوردستانییەکانی دژبەری کۆماری ئیسلامیی ئێران و بە بێ هیچ بنەمایەکی یاسایی و مرۆڤانە دەسبەسەر کراون کە لە چارەنووسی هیچکامیان هەواڵ و زانیارییەک لە بەردەستدا نییە.
