کوێخا وەسمانی دۆڵەتوو، کەسایەتیی خۆشناوی ناوچەی ڕەبەت لە نەخۆشخانەیەکی شاری نەغەدە کۆچی دوایی کرد.
بەپێی ڕاپۆرتی پەیامنێری کوردستان‌و کورد ڕۆژی دوشەممە، ٩ ی سەرماوەز کوێخا وەسمانی دۆڵەتوو، کەسایەتیی نیشتمانپەروەر‌و حیزب‌خۆشەویستی ناوچەی ڕەبەت بەهۆی نەخۆشی کۆچی دوایی کرد.
کوێخا وەسمان مرۆڤێکی بەبیرو باوەڕو نەتەوەیی بوو، ئیمانی حیزبی دێموکڕاتی کوردستان هەبوو، بۆیە تا لە ژیان‌دا بوو بە هەموو تواناوە هاوکاریی حیزبی دێموکڕاتی کوردستان‌و پێشمەرگەکانی حیزبی دەکرد.
ناوەندی ڕاگەیاندنی حیزبی دێموکڕاتی کوردستان وێڕای سەرەخۆشی لە بنەماڵەو کەسوکاری کوێخا وەسمان دەڵێ کە حیزبی دێموکڕات بە مەرگی کوێخا وەسمان یەکێک لە دۆست‌و هاوخەم‌و هاوکارە نیزیکەکانی لە دەست‌دا.
