چیرۆكی بێ كۆتایی ئاسنەڕێی مەراغە ـ ورمێ

ڕێگەی ئاسنی مەراغە ـ ورمێ بە هۆی نەبوونی بوودجە تەواو نەكراو دیسانه‌که‌ش دواخرا.
عەلی ئیسلام نوور، سەرپەرستی جێگرایەتیی كاروباری ئاوەدانكردنەوەی پارێزگای ورمێ گوتی، بە هۆی گیروگرفتی بوودجە بەڵێنیی كاربەدەستانی پارێزگای ورمێ ئەمساڵیش وێستگەكانی نەغەدەو ورمێ ته‌واو نه‌کران.
ناوبراو گوتی لە ماوەی دوو ساڵی ڕابردوودا بەپێی بەڵێنییەكانی وەزارەتی ڕێگاوبان لە پێوەندیی لەگەڵ تەواوبوونی ئەم پڕۆژەیەدا، بەڕێوەبەرانی پارێزگاش بەڵێنیی كرانەوەی وێستگەكانی نەغەدەو ورمێیان تا كۆتایی ئەمساڵ بە خەڵك دابوو، بەڵام بە هۆی کێشه‌و نه‌بوونی هه‌روا به‌ نیوه‌چڵ ماوه‌ته‌وه‌.
عەلی ئیسلام نوور هاوكات دانی بەمە داناوە كە سستیی ڕەوتی جێبەجێكردنی ئەم گەڵاڵەیە بۆتە هۆی گلەیی‌و ناڕەزایەتیی خەڵك. ناوبراو دەڵێ پڕۆژەی شەمەندەفەری سەراسەری بۆ ناوچەكانی دیكەی ورمێ زۆر لە مێژە هەیەو خەڵكی ئەم پارێزگایە زیاتر لە ١٠ ساڵە چاوەڕوانی بەكارهێنانی شەمەندەفەر لە ئاسنە‌ڕێیەكانی ئەم پارێزگایەن.
چالاكانی مەدەنیی كوردستانیش دەڵێن دواخستنی كرانەوەی ڕێگەی ئاسنی مەراغە ـ ورمێ و پڕۆژەكانی دیكەی ئاوەدانكردنەوە لە كوردستان جگە لە هەڵاواردن لە بواری دابینكردنی بوودجەوە، هۆکارێکی سیاسیشی له‌ پشته‌و ناوه‌نده‌ ئەمنیەتی‌و نیزامییەكانیش به‌هۆی ڕوانینی ئه‌منیه‌تی‌یان بۆ کوردستان دەستیان لە ڕاگرتن‌و دواخستنی پڕۆژەكان لە كوردستان‌دا هه‌یه‌.