باڵای ئاڵا

چاوتان كوێر بێ
باڵای ئاڵام چیای عومری نەتەوەمە و
بە هیچ هێزێكی دانایە
رووتان رەش بێ
ئاڵام باڵی سووری هەڵۆی پێشمەرگەیە
بە نزمایی قەت رانایە.
تیرێژی خۆری سەر ئاڵام
شەوی رەشی بیری كۆن و گەنیوتانی شەق كردووە
نووكی پەیكانی تیرەكی
كەڵپی خوێناوی دەمتانی لەق كردووە
سپیی رەنگی بۆتە سام و عومری گرتوون
سەوزی دەڵێ كوردم سوارە و
دژی كەوتوون.
چاوتان كوێر بێ
دە شەق بەرن
هاكا ئاڵام لە گشت جیهان شەكایەوەو
دڵنیا بن
بەرگەی بینیی ناگرن.
بێبەش- ٢١ی١١ی٢٠١٥