ئازادکرانی شەنگال لە هەموو نەتەوەی کورد پیرۆز بێ!
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
شەنگال ئازادە
چرای شاری دەروون هەڵبوون بە جارێ
لە چاوم ئەشکی خۆشـــــــحاڵی دەبارێ
ڕەوی دەرد و خەم و ئەمـــــــــڕۆ دڵی من
لە پڕ پشکووت وەکوو خونچەی بەهارێ
بە گیانبازی و ورەی پێشمەرگەی ئەمڕۆ
پەڕیکی دی لە مێــــــــژووی ئێمە نەخشا
کە ئاڵامان لە “شەنگال”ێ شــــــــــــەکاوە
لە سەرمان تاجـــی شانـــــــازی درەوشــا
دەبا کیژی بەدیلگــــــیراوی شــــــــــەنگال
بزەی تۆڵە لە سەر لـــێوی بپشـــــــــــکوێ
دەبا ژیان لەو چیا و دەشت و هەرێمـــە
لە موژدەی سەردەمێکی تازە بـــــــــدوێ
دەبا کیژ و کـــــوڕانی ئیــــــــــــــــزەدیمان
لە “لالەش” کۆوەبن، بیکەن بە جـــــێژن
پەژارە و دەردی ئەو دوو ســاڵە قورسە
لە نێو ئارشــــــــــــــــیوی مێژوو دا بنێژن
دەبا دایکی جیگەرسووتاوی شـــــەنگال
ئیتر بسڕێتەوە فرمێــــــــسکی چـــــاوی
هەموو باوکێکی پیری دڵبریـــــــــــــندار
شنەی ئۆخژنی بڕژێتە هەنـــــــــــــــاوی
ئەتۆش هێزی دڕندەی ڕەش بـــــــــزانە
کە دەستت ناوەتە نێو زاری شــــــــێری
دەبوو پێشوادە بیــــــــــــــــــرت کردباوە
مەحاڵە تۆ بە پێشمەرگە بوێـــــــــــری
ئاشق ١٣/١١/٢٠١٥
