کۆسرەت ڕەسووڵ عەلی، سەرۆكی ئەنجومەنی باڵای سیاسی و بەرژەوەندیی یەكیەتیی نیشتمانیی كوردستان بەبۆنەی کۆچی دوایی مامۆستا جلیل گادانی پەیامێکی هاوخەمی ئاراستەی خانەوادە و بنەماڵەی خوالێخۆشبوو کرد،
ئەمەی خوارەوە دەقی پەیامەکەیە:
بەڕێزان: خانەوادەو بنەماڵەی مامۆستا جەلیل گادانیی تێكۆشەر
بەداخێكی زۆرەوە هەواڵی كۆچی دوایی تێكۆشەر و سیاسەتمەدار و نیشتمان‌پەروەری كورد مامۆستا جەلیل گادانیم بیست.
ئەو تێكۆشەرەی حەوت دەیە لە ژیانی خۆی تەرخان كرد بۆ خەبات و تێكۆشان لە پێناوی میللەتەكەی، بەداخەوە ئەمڕۆ بە نەخۆشی كۆچی دوایی كرد.
بۆ خەمی لەدەستدانی ئەم كەڵە پیاوە هاوخەمی قووڵی خۆم دەردەبڕم، هیواخوازم خوای گەورە سەبووری هەموومان بدات و كۆچكردوو بەر دلۆڤانی و ڕەحمەتی خۆی بخات.
كۆسرەت ڕەسول عەلی
سەرۆكی ئەنجومەنی باڵای سیاسی و بەرژەوەندیی
یەكیەتیی نیشتمانی كوردستان
