کومیتەی نۆروێژی ڕێکخراوی یەکێتی ژنانی دیموکراتی کوردستان، بە بۆنەی ٢٥ی نۆڤامبر، ڕۆژی نێونەتەوەیی بەرئەنگار بوونەوەی توندوتیژی دژ بە ژنان، سمینارێک بۆ دوو تێکۆشەری بواری کاروباری ژنان، دکتور کوێستان گادانی، مامۆستای زانکۆ و چالاکی سیاسی و داکۆکیکاری مافەکانی ژنان و خاتوو هێلێنا، تێکۆشەرێکی نۆروێژی سەر بە ڕێکخراوی چاوەدێری مافەکانی ژن و پێشگیری لە توندوتیژی دژ بە ژنان پێک دێنێ.
تەوەری سەرەکی ئەو سمینارە، باسێکی گشتی دەبێ سەبارەت بەو بارودۆخی ژنان لە جهاندا بە گشتی و لە کوردستان دا بە تایبەتی. خاتوو کوێستان گادانی باسێک لە سەر خوێندنەوەیەکی نوێ لە ستەمی شاراوە و ناراستەوخۆ لە کۆمەڵگا و بنەمالە دا دژ بە ژنان، پێشکەش دەکات. هەروەها خاتوو هێلێنا سەبارەت بە توند و تیژی دژ بە ژنان لە ولاتانی بە ناو ئازادیخوازی جیهان پێشکەش دەکات.
داوا لە هەموو ئەندامان و دۆستانی یەکێتییەکەمان دەکەین کە بە بەشداری خۆیان، نارەزایەتی خۆیان دژ بە توندوتیژی دژی ژنان لە هەموو جیهان دا نیشان بدەن و ببنە داکۆکیکارێکی ڕاستەقینە لە ماف و داخوازییەکانی ژنان لە جیهان و کوردستان.
ڕۆژی یەکشەممە ٢٢-١١-٢٠١٥
ساتی دەستپێکردن ١١.٣٠ خولەکی پێشنیوەڕۆ
شوێن: فریویلی سانتەراڵ.
Frivilligsentral Strømsveien 66, 2010 Strømmen
ژمارەی پەیوەندی: 47358800- 0047
