هاوکات له‌گه‌ڵ گواستنه‌وه‌ی حه‌یده‌ر ڕه‌شیدی بۆ زیندانی سنه، تا ئیستاش هیچ زانیارییه‌ک له بابه‌ت بارودۆخی ٦ زیندانیی دیکه‌ی سوننی مه‌زهه‌ب له زیندانی ڕه‌جایی شاری که‌ره‌ج نه‌زانراوه.
به‌پێی راپۆرتی کۆمه‌ڵه‌ی چالاکانی مافه‌کانی مرۆڤ له ئێران، له نێو ٧ زیندانی‌دا که ڕیکه‌وتی ١٠ی خه‌زه‌ڵوه‌ر بۆ به‌ندی ئیتلاعاتی سپا گوازرابوونه‌وه، حه‌یده‌ر ڕه‌شیدی ڕاپێچی زیندانی سنه کرا، به‌ڵام تا ئێستاش هیچ هه‌واڵێک له بابه‌ت بارودۆخی ئه‌م 6 گیراوه‌ی دیکه له‌به‌ر ده‌ست‌دا نییه.
ئه‌م ٦ که‌سه تا ئێستا نه‌یانتوانیوه پێوه‌ندی به بنه‌ماڵه‌کانیانه‌وه بگرن، به‌م هۆیه‌ش کە هەموو ئه‌م که‌سانه حوکمی ئێعدامیان به‌سه‌ردا سه‌پاوه، بێ خەبەری لەوان بۆته هۆی نیگه‌رانیی بنه‌ماڵه‌کانیان.
حه‌یده‌ر ڕه‌شیدی، تالب مه‌لیکی، پووریا محه‌ممه‌دی، کاوه وه‌یسی، کاوه شه‌ریفی، محه‌ممه‌دیاوه‌ر ڕه‌حیمی و به‌همه‌ن ڕه‌حیمی ئه‌م ٧ زیندانییه‌ن که ڕۆژی ١٠ی خه‌زه‌ڵوه‌ر له ساڵۆنی ١٠ی زیندانی ره‌جایی شاری که‌ره‌ج که به به‌ندی سپا ناسراوه، بۆ شوێنێکی نادیار گوازراونه‌ته‌وه.
Menu
