کۆچی دوایی دایکی شەهیدێکی حیزبی دێموکڕاتی کوردستان لە سەقز

دوایی دایکی شەهیدێکی حیزبی دێموکڕاتی کوردستان لە سەقز کۆچی دوایی کرد.
بەپێی هەوالی کۆمیسیۆنی تەشکیلاتی حیزبی دێموکراتی کوردستان ڕۆژی ١٧ ی خەزەڵوەر خاتوو ئایشێ قادری، خەڵکی میرەدێی سەقز‌و دایکی شەهید سەعید محەممەدزادە بەهۆی نەخۆشی‌و پیری کۆچی دوایی کرد.
خاتوو ئایشێ دایکێکی دڵسۆزی نیشتمان‌و حیزب خۆشەویست بوو، شانازیی گەورەی ئەو دایکە ئەوە بوو کە ڕۆڵەیەکی بە بزووتنەوەی نەتەوایەتیی کورد بەخشیوەو هەموو ئاواتی ئەوە بوو کە سەرکەوتنی خەباتی کورد‌ بە چاوی خۆی ببینێ، بەڵام بە داخەوە مەرگ مەودای نەدا ئەو ئاواتە پیرۆزەی وەدی‌بێ.
جێی بیرهێنانەوەیە کە شەهید سەعید محەممەدزادە لە بانەمەڕی ساڵی ٦١ لە کەسنەزان لە تێکهەڵچوونێک‌دا لەگەڵ هێزەکانی رێژیم شەهید بوو.
ناوەندی راگەیاندنی حیزبی دێموکڕاتی کوردستان بەو بۆنەیە سەرەخۆشی لە بنەماڵەو کەسوکاری خاتوو ئایشێ دەکاو خۆی بە شەریکە خەمیان دەزانێ.