عەلی حسین پەناهی كە ڕۆژی ١٩ی خەرمانان لە لایەن هێزەكانی ئیدارەی ئیتلاعاتەوە گیرابوو، لە لایەن دادگاوە بە تۆمەتی “بێڕێزی بە خامەنەیی” سزای ٦ ساڵ زیندانی بەسەر دا سەپا.
بە پێی ڕاپۆرتی ناوەندی چالاكانی مافی مرۆڤی كوردستان، عەلی حسین پەناهی دوای ئەوەی لە شاری دێولان‌و مزگەوتی گەورە دێی قروچیای ئەو شارە لە دژی بەرپرسانی دەوڵەت قسەی کردو داوای كردبوو کە خەڵک لە بەرامبەر هەڵاواردنی بەرپرسانی رژیمی ئیسلامی لە کوردستان، بێدەنگ نەبن، رۆژی پێنج شەممە ٩ی خەرمانان لە لایەن هێزەكانی ئیدارە ئیتلاعات‌و لە ماڵی باوكی لە گوندی قرۆچیا دەستبەسەر كرا.
سەرچاوەی هەواڵەکە دەڵێ پاش دەستبەسەركرانی عەلی حسین پەناهی، دادگای شۆڕشی شاری سنە ناوبراوی بە تۆمەتی “سۆكایەتی کردن بە خامنەیی، رێبەری رێژیمی كۆماری ئیسلامی”و هەروەها پێوەندی هەبوونی لەگەڵ یەكێك لە حیزبە كوردییەكان دادگایی کردوەو سزای ٦ ساڵ زیندانی بە سەردا سەپاندوە.
عەلی حسین پەناهی مامۆستای كورد لەلایەکی دیکەوە ئیدارەی پەروەردەو فێرکردنی سنە بە بڕیاری وەزارەتی ئیتلاعات ناوبراوی بە ٨ ساڵ پێشینەی وانەگوتنەوە لە قوتابخانەی شارەكانی سنەو دێگولان دەرکردوە.
عەلی حسین پەناهی خاوەندی بڕوانامەی فوق لیسانسەو، مامۆستای عەرەبی‌یەو هەروەها خاوەنی ٨ ساڵ پێشینەی كارە لە ئێدارەی پەروەردەو، هەروەها پێشتریش بۆ ماوەی ٤ ساڵ دێهیاری گەورە دێی قروچیا بووە.
