كۆبوونەوەی ناڕەزایەتی‌ده‌ربڕینئ کرێکاران‌و مانگرتنیان له پێناو مافه‌کانیان لە شارە جیاجیاكانی كوردستان بەردەوامە.
سەرلە بەیانیی ڕۆژی ڕابردوو، شه‌ممه، ١٦ ی خه‌زه‌ڵوه‌ر كۆمەڵێك لە شۆفیره‌کانی ترمیناڵی شاری سنە بۆ ناڕه‌زایه‌تی ده‌ربڕین به پێنەدرانی مووچەی ٣ مانگ‌و تێنه‌کردنی بیمەی ساڵێکیان، له‌به‌رده‌م نووسینگه‌ی تڕمیناڵ هەڵكەوتوو لە بڵواری ناسراو بە موستەزعەفین‌و لە گەراجی ناوەندیی شاری سنە كۆبوونەوە.
هەروەها لە شاری كامیارانیش كۆمەڵێك لە خەڵكی ئەم شارە بە نیشانەی ناڕەزایەتی دەربڕین بە بەرزبوونەوەی لە ڕادەبەدەری نرخی بەرق لە بەردەم بینای ئیدارەی بەرق لە شەقامی ئازادی كۆبوونەوەو ناڕه‌زایه‌تیی خۆیان به‌و بڕیاره ده‌ربڕی.
هەر لە هەمان ڕۆژدا كۆمەڵێك لە كرێكاران‌و هێزە كرێكارەكانی پڕۆژەی خاوەنكاری مەسكەنی مێهر لە شاری سەوڵاوای سنە بە نیشانەی دەربڕینی ناڕەزایەتی لەبەر پێنەدانی مووچەی دواكەوتووی دوو مانگ لە بەردەم ئیدارەی كاری ئەم شارە هەڵكەوتوو لە شەقامی بە ناو شۆهەدا كۆبوونەوەو داوای جێبەجی كرانی داواكانیان بوون.
