پارێزەرانی ڕۆژهەڵاتی کوردستان لە لوڕستان بە بۆنەی ٣١ساڵەی تێرۆری شەهید دوکتور قاسملوو چالاکیی تەبلیغییان بەڕێوە برد.
بە پێی هەواڵی گەیشتوو بە ناوەندی ڕاگەیاندنی حیزبی دێموکراتی کوردستان، ڕۆژی یەکشەممە ٢٢ی پووشپەڕی ٩٩ی هەتاوی لە ساڵیادی ٣١ ساڵەی تێرۆی ڕێبەری هەمیشە زیندووی گەلەکەمان، دوکتور قاسملوو بە دەستی تێرۆریستەکانی کۆماری ئیسلامیی ئێران، پارێزەرانی ڕۆژهەڵاتی کوردستان لە پارێزگای لوڕستان بۆ مەحکووم کردنی ئەو جینایەتەی ڕێژیم و بۆ پەیمان نوێکردنەوە لەگەڵ ڕێگا و ڕێبازی دوکتور قاسملوو و حیزبی دێموکراتی کوردستان بە نووسینی دروشمی” شەهید قاسملوو لە دڵماندا زیندوە، بژی حیزبی دێموکراتی کوردستان،مەرگ و نەمان بۆ کۆماری ئیسلامیی ئێران و سپای تێرۆریستی پاسداران، قاسملوو ڕێگات درێژەی هەیە “، چالاکیی تەبلیغییان بەڕێوە برد و نیشانیان دا کە بیر و هزری قاسملوو لە ڕێبازیدا هەردەم زیندوە و بەردەوام پەرە دەستێنێ.
لە لایەن کۆمیسیۆنی تەشکیلاتی حیزبی دێموکراتی کوردستانەوە سڵاو دەنێرین بۆ تێکۆشەرانی ئازادیی پارێزەرانی ڕۆژهەڵاتی کوردستان لە لوڕستان و وێڕای دەسخۆشی و ماندوو نەبوونی لەو هاوڕێیانەمان هیوای سەرکەوتن و سەربەرزی زیاتریان لە کار و چالاکییەکانیاندا بۆ بە ئاوات دەخوازین.
