له بۆکان تازه لاوێک که له ته‌مه‌نی ١٧ ساڵیدا به تۆمه‌تی کوشتنی که‌سێک گیرابوو، له‌لایه‌ن دادگای شۆڕشی ئه‌و شاره‌وه سزای ئێعدامی به‌سه‌ردا سه‌پا.
ئاسۆ سۆهرابی، کوڕی ئه‌بوبه‌کر که ساڵی ٩١ ی هه‌تاوی به تۆمه‌تی کوشتنی که‌سێک له بۆکان ده‌سبه‌سه‌ر‌و زیندانی کرابوو، حه‌وتووی ڕابردوو له دادگای شۆڕشی بۆکان دادگایی‌و سزای ئێعدامی به‌سه‌ردا سه‌پا. ئاسۆ سۆهرابی له دایکبووی ساڵی ٧٤ ی هه‌تاوییه‌‌و ساڵی ٩١ که گیرا که‌متر له ١٨ ساڵی ته‌مه‌ن بوو.
قانوونه‌کانی سزادانی ئێران ده‌ڵێن ڕێوشوێنه قانوونییه‌کان هه‌موو کوڕانی ١٥ ساڵ‌و کچانی ته‌مه‌ن ٩ ساڵ ده‌یانگرێته‌وه، ئه‌وه له حاڵێکدا هه‌موو کۆنڤانسیۆنه جیهانییه‌کانی دژی سزادانی ئه‌و که‌سانه‌ن له ته‌منی خوار ١٨ ساڵیدا تاوانیان کردوه.
ئێران، عه‌ڕه‌بستان، پاکستان و سوودان له دنیادا ته‌نیا ئه‌و چوار وڵاته‌ن که ئێستاش منداڵان‌و مێردمنداڵان له سێداره ده‌ده‌ن.
