برای شه‌هیدێكی حیزبی دێموكراتی كوردستان به‌هۆی نه‌خۆشی له ته‌مه‌نی ٦٢ ساڵی‌دا لە مەهاباد ماڵاوایی له ژیان كرد.
به‌پێی هه‌واڵی کۆمیسیۆنی تەشکیلاتی حیزبی دێموکراتی کوردستان، ڕۆژی ١٠ خه‌زه‌ڵوه‌ر فه‌تاح نه‌وایی، برای شه‌هید یوسف نه‌وایی به‌هۆی نه‌خۆشی له‌ته‌مه‌نی ٦٢ ساڵی‌دا له نه‌خۆشخانه‌ی شاری ورمێ کۆچی دوایی کرد.
بنه‌ماڵه‌ی خوالێخۆشبوو، بنه‌ماڵه‌یه‌كی زه‌حمه‌تكێش‌و كوردپه‌روه‌رن‌و؛ كوڕێكیان به‌ناوی یوسف نه‌وایی لە ڕیزی پێشمەرگەکانی حیزبی دێموکڕاتی کوردستان‌دا شەهید بوو. شه‌هید یوسف له‌گه‌ڵ ٨ هاوسه‌نگه‌ری دیكه‌ی له هاوینی ساڵی ١٣٦٢ له شه‌رێكی نابه‌رابه‌ردا شه‌هید بوو.
ناوه‌ندی ڕاگه‌یاندنی حیزبی دێموكراتی كوردستان بەبۆنەی کۆچی دوایی فه‌تاح نه‌وایی، برای شه‌هید یوسف نه‌وایی سه‌رخۆشی له بنه‌ماڵه‌و كه‌سوكاری خوالێخۆشبوو ده‌كاو خۆی به شه‌ریكە خه‌میان ده‌زانێ.
